Այս կամուրջն իր շուրջ հավաքում է ոչ միայն զբոսաշրջիկներին, ովքեր, քարտեզները ձեռքներին, շրջանցել են քաղաքը` այստեղ հասնելու համար, այլև Բրիստոլի քաղաքացիներին: Չորս կողմը տարածվող կանաչապատ զբոսայգին, որը, թերևս, շատերի համար է գերադասելի, խաղաղություն ու հանգստություն վայելելու համար անփոխարինելի մի վայր է:
Այստեղ մեծամասնություն են կազմում հատկապես երիտասարդները, ովքեր պառկած են զբոսայգու կանաչ խոտերի վրա, կամ մի աննկատ տեղ հարմար տեղավորված` սպիտակ թղթի վրա անմահացնելու կամրջի չորս կողմը ծավալվող արքայական բնապատկերը:
Երբ քայլերդ ուղղում ես դեպի կամուրջ, հասկանալու, թե ինչպես է շուրջ 230 մետր երկարությամբ և Էյվոն գետից 190 մետր բարձրության վրա գտնվող այս կամուրջն անցել դարերով, հայտնվում ես երկնքում, որտեղից քաղաքն ասես բռիդ մեջ լինի: Մի այնպիսի զգացողություն է պատում, թե այս կամուրջն ու նրա վրա կանգնողներն են, որ ղեկավարում են Բրիստոլը` հիանալով դրանով:
No comments:
Post a Comment